الرئيس السيسي: تكلفة تنفيذ الطرق داخل القاهرة الكبرى تصل إلى مليار جنيه لكل كيلو متر

قال الرئيس عبد الفتاح السيسى، إن تعويض المواطنين فى الجيزة من أجل تنفيذ المحاور والطرق يحتاج إلى أموالا طائلة، قائلا: “الكيلو يتكلف مليار جنيه.. والطريق اللى طوله 6 كيلو يتكلف 6 مليارات جنيه.. ومش هنسيب الناس تمشى”.

وأكد الرئيس السيسى خلال كلمته فى افتتاح عدد من المشروعات القومية الجديدة وقصر البارون، أن كل قطاعات الدولة تم العمل فيها من خلال توفير نفس المستوى من الجهد والتكلفة مثل شبكة الطرق وغيرها، وقطاع الطرق اتكلف ما يقرب من 600 مليار حتى يصل إلى مستوى جودة يليق بالمصريين.. ونفس الكلام فى قطاع الزراعة.. وازاى بنقدر نطور الترع وغيرها.. وكيفية حوكمة الحسابات المالية للصرف وغيرها من أجل اعادة بناء الدولة المصرية”.

ووجه الرئيس السيسى، رسالة إلى المسئولين قائلا: “لازم نفكر ازاى نحل المشاكل.. اوعى تفتكر كمسئول هتحل مشكلة إلا لما تشوف وتفكر فى الحل.. وفى الروبيكى نفذنا مدينة الجلود.. وليه نلاقى عشوائيات جوه المدينة.. والموضوع ده انتهى.. حتى تصل الدولة إلى مجابهة التحديات.. ولن نقبل الفوضى.. ومن الأول اتفقنا اننا نبنى بلدنا مع بعض”.

وأضاف: “لازم نخلى بالك من اللى اتعمل واللى بيتعمل.. وفى أحد الكبارى لم تكن المشكلة فى تنفيذ الكوبرى.. حيث تم توسيع الطريق بشكل كامل أسفل الكوبرى.. ومن ثم بدأنا تنفيذ الكوبرى.. وأنا بقول للناس عاوزين نتصور حجم التكلفة المالية.. وازاى هتكون المشكلة ازاى؟”.

وقال إن تكلفة إزالة الجزء الخضراء وإعادة تأهيل شوارع مدينة نصر تتكلف من 500 إلى 600 مليون جنيه، لتسهيل الحركة على الناس”، مضيفا: “لو انت احترمت الارتفاع المطلوبة فى مدينة زى مدينة نصر التخطيط كان بيقول 4 أدوار وجراج، مبقاش 3 اربع أدوار وبقا 13 و14 دور والجراج بيتعمل بشكل معين ميبقاش صالح للاستخدام والعربيات تقف فى الشارع، يضطر عربية صغيرة تدخل الشارع”.

ووجه الرئيس حديثه للمخالفين قائلا: “فرحان انك بتبنى 14 دور علشان يبقا ليك عائد ومكسب، لكن انت بتأذى بلدك، بقول الكلام ده مش نظرة سلبية لا احنا زى الفل وهنعمل حاجتنا وبس خالوا بالكم مش هاسيبكم وكل حاجة غلط هصلحها بفضلك يا رب وكل حاجة مش مظبوطة هترجع مظبوطة زى الدول تقديرا واحتراما ومحبة فيكم يا مصريين تعود مصر دولة كما ينبغى أن تكون”.