الرئيس السيسي: مصر دولة كبيرة أوي وعيد سعيد علينا كلنا

قال الرئيس عبد الفتاح السيسي: “كل عام وانتو طيبين، وقداسة البابا بخير وسلام، واحنا كلنا إن شاء الله بخير وسلام، احنا كمان بنحبكم وانتو اخواتنا وحبايبنا”.

وتابع خلال زيارته مقر كاتدرائية ميلاد المسيح بالعاصمة الإدارية الجديدة: “إن شاء الله عام سعيد، وسنة إن شاء الله تبقى أفضل من السنوات الماضية، بتابع كل الأمور وبشوف كل ردود الأفعال، والقلق يمكن يكون مبرر، لازم تعرفوا، ومش بكلمكم انتو بس، بكلم الدنيا في مصر وبرا مصر من خلالكم، إن شاء الله السنة دي تبقى أفضل من السنوات اللي فاتت”.

وأضاف: “مصر دولة كبيرة أوي، مصر دولة كبيرة أوي، مصر دولة كبيرة أوي، كل سنة وانتو طيبين، وعيد سعيد علينا كلنا وإن شاء الله الأيام الجاية تبقى أفضل من الأيام اللي فاتت، مش عاوز أطول عليكم، وعارف الإجراءات والمراسم والصلاة بتاخد وقت كبير، وأنا في كل مرة بفكر نفسي وأفكركم وأقول لكم قداسة البابا له مكانة كبيرة في قلبي واحترام كبير كبير كبير، ربنا يحفظه ويحميه ويحميكم”.