الرئيس السيسي: تخصيص 100 مليار جنيه لدعم صناعة السيارات الكهربائية

أكد الرئيس عبد الفتاح السيسي، أن مصر مهتمة بتشجيع المستثمرين ودعمهم قائلا: “معندناش ترف أبدا أننا نضيع وقت غير في تشجيع المستثمرين عشان يشتغلوا ويطورا ويستثمروا وهقول مثال في 2016 و2017 كان ليا فرصة أزور دول كتير زى اليابان وكوريا، وتكلمت عن السيارة الكهربائية وإننا فى مصر مهتمين بهذا الموضوع”.

جاء ذلك خلال كلمة الرئيس السيسي، خلال لقاء عدد من كبريات الشركات الدولية العاملة في قطاع الصناعة، المشاركين في النسخة الثالثة من الملتقى والمعرض الدولي السنوي للصناعات الذي يعقد في مصر خلال الفترة من 25 إلى 27 نوفمبر الجاري، وذلك بحضور الدكتور مصطفى مدبولي رئيس مجلس الوزراء، والمهندس كامل الوزير نائب رئيس مجلس الوزراء للتنمية الصناعية ووزير الصناعة والنقل، والمهندس محمد زكي السويدي رئيس اتحاد الصناعات المصرية.

وأضاف: “قلت إذا كانت صناعة السيارات التقليدية فاتتنا وندخل في موضوع العالم كله شغال فيه وقلنا مستعدين نقدم الحوافز اللى بتنجح صناعة السيارات الكهربائية في مصر، ونعمل مقر للشركة ومرصود لهذا الامر 100 مليار جنيه محطوطين من الدولة”.

ووجه كلامه للمستثمرين: “لو عايز تعمل صناعة سيارات كهربائية في مصر مستعدين نخش في ده عشان الصناعة متبقاش عبء على المستثمرين والأرض هخصصها وهعمل المطلوب مني وأنت عليك تجيب المعدات المطلوبة للإنتاج وتدير العمل وبنعمل ده مش عشان نشاركك كدولة ولكن عشان نشجعك ومفيش حاجة تعمل لك إعاقة”.

وأكد أن الدولة المصرية بذلت جهدا كبيرا خلال آخر 10 سنوات لتوفير بيئة مناسبة لتطوير الصناعة وحتي تكون الصناعة جزء كبير من الناتج المحلي للدولة المصرية.

وأضاف أن الدولة المصرية نفذت بنية تشريعية لتقديم الحوافز وتأمين الاستثمارات للشركات العاملة في مصر، وأيضا استراتيجية للاستثمار ووثيقة ملكية الدولة، موضحا أن مصر لها تجربة مع القطاع العام خلال 50 سنة.

وشدد على اهتمام الدولة المصرية بالقطاع الخاص وتوفير مناخ مناسب لهم يشتغلوا فيه، مضيفا: “محتاجين أن القطاع الخاص يشتغل ويتطور ويكبر استثماراته وفي فرق كبير أنك تجمع منتجات وأنك تنتج المنتج بنسب كبيرة ولو تكملت مثلا عن صناعة زي السيارات”.

وأضاف: “لو كل الإنتاج حاجته بتطلع وتتصنع من مصر أمر مختلف كتير عن أنك تدخل في متاهات وتقلبات زي جائحة كورونا والحرب الروسية وما حدث من سلاسل الإمداد وبالتالى أن المنتج يبقى موجود جزء منه كبير في مصر أو كله هيكون أمر ناجح للصناعة على كل حال”.