الرئيس السيسي: يجب حل أزمة الدولار ونستهدف زيادة الصادرات إلى 100 مليار دولار

قال الرئيس عبدالفتاح السيسي، إنه يجب حل أزمة نقص الدولار بشكل نهائى، مؤكدا أن الدولة تستهدف زيادة الصادرات إلى 100 مليار دولار.

وأضاف خلال لقائه عدد من المسؤولين والإعلاميين على هامش احتفالية وزارة الداخلية بعيد الشرطة الـ72، “لو حليت أزمة الدولار فيكي يا مصر، ولا يهمني أي حاجة تانية”، مضيفا أن هذة الأزمة لها دور إيجابي واحد فقط أنها فرضت الحل ولا بد من حلها بشكل نهائي.

وأكد أنه مطلوب من الدولة الوصول بمعدلات التصدير والتصنيع داخل مصر إلى معدلات تساعد عى إتاحة الدولار يشكل سلس ويكفي للانفاق على الاستيراد خلال فترة قصيرة.

وحول أزمة الكهرباء، علق الرئيس عبدالفتاح السيسي وقال: “لما بتكلم الأزمة اللي موجودة عندنا، مش فكرة توصيفها، ولكن فكرة حلها بما يتسق مع طبيعة ظروفها”.، مضيفا “أنت انهاردة عاوز تقول إنه كان ممكن أوي نتحمل الظروف اللي كانت موجودة، يعني المصريين كان ممكن يتحملوا عمليات إرهابية ضد الدولة المصرية عشان منصرفش 120 مليار جنيه؟”.

وأضاف: “قلت قبل كدة، دولة زي مصر تحتاج أرقام كبيرة جدا للإنفاق عليها، والأرقام دي مش موجودة وقصادنا مسار من اتنين، يا نفضل نضحي لغاية ما نصل لأرقام ترضينا وتكفينا كلنا، يا إما مش هنستحمل ونبقى تسببنا في خرابها كلنا، بقول الكلام ده للمفكر والمثقف والإعلامي ولأي مسئول في الدولة”.

وقال إن صلابة وتحمل المصريين تغيرت عما كانت عليه منذ 20 – 30 سنة، مضيفا “في دول قعدت مشكلة الكهرباء فيها 30 و 40 سنة، لأنهم مشيوا في مسار تانى وأولويات أخرى، بالمناسبة عندما أتكلم على إن الأزمة الموجودة لدينا مش فكرة توصيفها أبدا ولكن فكرة حلها بما يتناسب مع ظروفنا”.

ونوه أن عدد السكان شهد زيادة بنحو 26 مليون نسمة منذ 2011، مضيفا أن الزيادة السكانية تؤثر بشكل سلبى على جهود التنمية، متابعا”عندك عدد كبير من الناس ومواردك محدودة جدا، وأنت متصور إن الموارد دى تكفى كل شىء.. لا”.

وقال: “بقول الأول هل هى كانت أزمة أولويات؟ لا، بس أنا بتكلم كراصد رأى عام فى مصر، وقدرته على التحمل بعد فترة صعبة مرت قبلها، ثم فى 2011 و2012 و2013، ومعندوش أمل وحالة إحباط كبيرة، وكانت التفجيرات فى كل مكان، والناس حاسة بالبلد بتضييع، وأنت كنت عاوز تقفز بهم من الحالة المعنوية وحالة الإحباط وعدم الثقة لحالة تانية”.

وأضاف: “الأمور كانت ماشية كويس، بجد، لغاية 2020، وكان معدل النمو أكثر من 6%، و6% مش لفئة ولطبقة، لا للكتلة الغالبة وللناس اللى بنستهدفها دايما، وأي مسئول عينه على مين؟ مش على الأسرة الغنية، لكن مع الغلبان اللي بيطحن، هيجيب منين ويأكل ولاده منين ويودي أولاده المدرسة إزاي، ويدفع كهرباء ومياه ويجيب لبس إزاى لما الدنيا تبقى صعبة كدة”