نجيب ساويرس يكشف حقيقة نقل اسثماراته خارج مصر

نفى المهندس نجيب ساويرس، رجل الأعمال، نقل استثماراته ونشاطاته خارج مصر، مؤكدا: “هذه الشائعات لا أساس لها من الصحة”.

جاء ذلك خلال مداخلة هاتفية مع الإعلامي سيد علي، ببرنامج “حضرة المواطن”، المذاع عبر قناة  “الحدث اليوم”، ردًا على تساؤل حول نقل استثمارات العائلة خارج مصر، إثر نقل شقيقه ناصف ساويرس مكتب عائلته إلى أبوظبي.

وأضاف: “ننقل إزاي المصانع والفنادق هنا، وكل يوم بفتح مشروع شكل، كل الكلام واحد عنده مكتب بره مصر بينقله في بلد تانية مش أكتر من كدة”.

وتابع: “أنا هتكلم عن نفسي، لأن إخواتي بيزعلوا لما بتكلم عنهم، أنا مقدرش أروح أعيش في أي حتة تانية، عندي كل الفرص للعيش في أي مكان، لكن أنا لا أشعر بوجودي وسعادتي وراحتي غير في بلدي”، لافتًا إلى “كون شركاتنا شركات عالمية وبتشتغل في كل حتة، دي حاجة تشرف مصر مش تضرها”، مشيرًا إلى أن عائلة ساويرس ما زالت أكبر مستثمر محلي في مصر.

وأكمل: “إحنا مش رايحين نشتغل بره عشان مصر في ضيقة.. لأ، إحنا طول عمرنا عندنا نشاط دولي، فرصة إننا نصدر، ونجيب فرص عمل لأولادنا بره مصر، ويقبضوا بالدولارات ويحولوها لمصر، وإحنا بنحول أرباحنا دائمًا لمصر”.

وعن نصيحته بشأن أفضلية «الاستثمار في الذهب أم الاستثمار في العقارات» مع بداية العام الجديد 2024 والارتفاعات غير المسبوقة التي يشهدها سعر المعدن الأصفر، قال إنه يفضل التوازن بين الاستثمار في الذهب والعقارات، متابعًا: «أي واحد عاقل يقول أنا عندي 100 جنيه، يحط 20 -30 في الذهب، و20-30 في العقار، و10-20 في السندات».

وأوضح: «أنا اخترت أبقى حاطط 50% في الذهب، لأنه بشوف الدنيا بتقلب، والعالم كل يوم فيه حرب جديدة، في غزة وليبيا والسودان وأوكرانيا».

وتابع: «الدنيا كلها حوالينا حروب، والذهب ده الملاذ الآمن، الواحد مش بيدور على المكسب، بيدور على الأمان، وعشان كده بيروح للذهب».