الرئيس السيسى لـ«المحافظين»: بعد شهرين سنتفقد مراكز الطوارىء المتحركة

أجرى الرئيس عبد الفتاح السيسي حوارًا بالفيديو كونفرانس مع المحافظين للاطلاع على مستجدات تفعيل الشبكة الوطنية الموحدة لخدمات الطوارئ والسلامة العامة المتطورة، حيث اطمأن على فاعلية وجاهزية المعدات والأجهزة المستخدمة فى هذا الشأن.

جاء ذلك خلال تفقد الرئيس السيسي المراكز المتحركة للشبكة الوطنية الموحدة لخدمات الطوارئ والسلامة العامة المتطورة.

وقال الرئيس، موجها كلامه للمحافظين خلال تفقده مركز التحكم المركزى للشبكة الوطنية الموحدة لخدمات الطوارئ والسلامة العامة المتطورة: “عندك محطات مياه ورى، وبكلم كل المحافظين، عندك فى مديرية الرى والزراعة والإسكان، عندك في المحافظة، وبالتالي هطالب حضراتكم بعد شهرين تماما إن المحطات دي، طلمباتها فنيا جاهزة وبأعلى كفاءة ممكنة، لو عندى 20 محطة معالجة بتشتغل بخمسين طلبمة رفع وصرف، حضرتك مسؤول من دلوقتى بوعد شهرين ودا الحد الأقصى جميعا”.

وتابع: “لازم أمارس الدور دا، بكلم كل المحافظين، ومرة تانية سعيد بالتجربة وأشوف مباشر حى من عربية فى مكان زى ما احنا عاوزين، أقدر من العربية دي أشوف المحافظة وتشوف عناصرك وتتابع الموقف على الأرض، والعربية معايا هنا تخلينى أشوف المحافظين”.

وواصل الرئيس السيسى: ” الحمد لله تطور كويس أوى، معلش جبتكم يوم الجمعة وهدفنا يوم تكون الأمور فيه هادية ونتطمن وبشكركم وصباح الخير عليكم ومعادنا بعد شهرين، كل عناصرك الفنية وكل ما هو داخل نطاق محافظتك انت مسؤول قدامى وقدام الدولة، وشكرا جزيلا”.

أضاف الرئيس السيسى: “أنا سعيد على إني أطمئن إن الغرفة جاهزة على أن تدير أي أزمة، مردفا: “أكيد الغرفة على مدار 24 ساعة تبقى قادرة على أن يدير الأزمة، ويتم إخطاركم طبقا لحجم الأزمة، وما يهمني في الموضوع إن عندنا غرف في جميع المحافظات”.

ولفت إلى أن تلك الغرف مربوطة بشكل متكامل مع الغرفة المركزية لإدارة أزمات الدولة، مضيفًا: “وبالتالي يبقى النهارده ولأول مرة يبقى عندنا أطقم لإدارة أزمة على مستوى كل محافظة، وهو حدث أو أزمة، ونبقى قادرين من خلال الغرف اللي اتعملت دي ربط الاتصال المؤمن بينها وبين مركز إدارة الأزمات عشان يتعامل مع أي أحداث أو أزمات بشكل يعكس قدرة الدولة، كل الشاشات اللي قدامي دي عليها بيانات خاصة بالمحافظة، بتاع الكهربا والصرف الصحي والغاز موجود وكل من له دور في الدولة في المحافظة”.