الرئيس السيسي بمؤتمر حكاية وطن: خسرنا 450 مليار دولار خلال عام 2011

تحدث الرئيس عبد الفتاح السيسي، عن شكل الموازنة العامة للدولة من عام 1980 وحتى الآن، قائلا: “ليه ظروفنا صعبة.. ظروفنا صعبة دائما.. بنقول من سنة 80 مش الهدف الدفاع عن نفسنا.. بنقرر واقع ونقول للناس إيه الحكاية.. بنقول الحكاية علشان لازم نتخلص منها”.

وأضاف الرئيس السيسي، خلال كلمته في جلسة “الاقتصاد”، ضمن فعاليات مؤتمر “حكاية وطن” المقام في العاصمة الإدارية الجديدة: “لما هي دولة من سنة 80 لغاية دلوقتي دائما عندها عجز.. الدكتور معيط اتكلم في حاجات كتير أوي.. الاقتصاديين يستوعبوا الكلام ده.. بقول للمواطن ببساطة دخلي “دخل مصر وإيراد مصر”.. مش قد مصروف مصر”.

تحدث الرئيس ، عن وضع الدولة المصرية في الوضع الاقتصادي، قائلا: “ده حال الدولة.. ده الإيراد وده الإنفاق.. وفيه جزء منه نعمله ازاي.. لازم زيادة الموارد.. واحنا بنعمل ده.. الدكتور هالة السعيد كانت بتتكلم عن الزيادة السكانية.. مصر عملت محاولات كتيرة لتجاوز الأزمة دي من أيام الرئيس عبد الناصر والرئيس السادات والرئيس مبارك ولم ننجح حتى الآن.. ولم نحقق المعدل المطلوب”.

وأضاف الرئيس السيسي: “تخيلوا أنه من عام 2011 كان النمو السكاني ثابت.. يعني صفر.. فيه دول نموها سلبي.. المواليد قد الوفيات.. 25 مليون زادوا في الفترة من عام 2011 حتى الآن.. الـ 25 مليون دول.. الخطين عمرهما ما قربوا من بعض “خط الإيرادات والمصروفات”.. تصور بقي في 2011 بتخسر 450 مليار دولار كأني مش ليهم تأثير.