الرئيس السيسي: مبقلقش من السوشيال ميديا.. والناس بتشوف الشغل على أرض الواقع ..

قال الرئيس عبدالفتاح السيسي، إن ما يتم إنجازه يستهدف فترات زمنية مستقبلية طويلة تصل إلى 30 عاما، مضيفا أن علينا الاطمئنان على المستقبل بمشروعات تمت على الأرض .

وأضاف في كلمة ألقاها أمام قرية الأبعادية بمحافظة البحيرة، ضمن فعاليات افتتاح عدد من المشروعات ضمن مبادرة حياة كريمة، اليوم الأربعاء: «أنا مش بقلق خالص من موضوع السوشيال ميديا لإني عارف إنها عبارة عن دردشة الناس مع بعضها بس بقت على الهواء.. الناس الأول كانت بتقعد على القهوة تتكلم.. دلوقتي بيقعدوا على الفيس يتكلموا».

وتابع: «كل واحد مننا في مكان بيشوف اللي بيتعمل.. لو حد بيتعامل مع مستشفى وقدمته له خدمة كويسة يبقى شاف.. لو حد بيتعامل مع مدرسة ولاقها كويسة يبقى شاف».

وأوضح أن الدولة تنفذ مشروعات تعمل على تسهيل الحصول على الخدمة، بما يساهم في تلبية احتياجاتهم.