الرئيس السيسي: عشان تصرف كويس محتاجين 2 تريليون دولار بالسنة

قال الرئيس عبد الفتاح السيسي، موجها حديثه للنائب عبد المنعم إمام: “انت بتطلب الحد الأقصى فى كل شىء ليه، الدولة عشان تصرف كويس عايزة 2 تريليون دولار فى السنة”.

وأضاف خلال فعاليات المؤتمر الوطني للشباب بمحافظة الإسكندرية، مساء اليوم: “ازاى هتعمل استحقاق دستورى في التعليم، عايزنى اضحك عليكم كلكم، عايزين استحقاق دستورى للصحة هو انا معايا فلوس لكل الكلام ده”.

وتابع الرئيس السيسي: “هل الدولة المصرية عندها فلوس تعمل تعليم لـ25 مليون شخص، تريد 250 مليار دولار هتجيبهم منين”.

ومن ناحية أخرى أكد أن العديد من الدول تسأل مصر عن كيفية تحقيقها لما حققته بالرغم من ظروفها، مضيفا «ما تحقق بالنسبة لظروف مصر وإمكانياتها، كتير من الدول بتقول أنتم عملتوه إزاي، أنت ظروف متستحملش تعمل اللي عملته، لكن الموضوع كله أفكار».

وذكر أن العاصمة الإدارية، تستهدف تطوير أداء الجهاز الإداري عبر ميكنة كاملة، بما يؤدي في النهاية لأن تكون الدولة في أدائها أفضل على مستوى الوزارات.

ونفى دفع جنيه واحد من موازنة الدولة في العاصمة الإدارية ومدينة العلمين الجديدة، قائلًا: «طب والله العظيم والله العظيم والله العظيم ما خدنا جنيه من الدولة، هو الدكتور معيط معاه حاجة عشان يدينا نعمل العاصمة».

وأضاف: «فكرة العاصمة تحويل الأرض التراب لفلوس، معنديش غير الفكرة لحل المسائل لظروف اقتصادية صعبة لدولة فيها 105 ملايين».