الرئيس السيسي: نقدر نعمل حواجز للشواطئ بطول 300 كيلومتر بمليارات الجنيهات لحماية المواطنين

قال الرئيس عبدالفتاح السيسي، إن الشواطئ المصرية وخاصة الدلتا معرضة لارتفاع منسوب المياه بمعدل متر أو مترين، وذلك خلال الخمسين عاما المقبلة، مضيفا: “نقدر نعمل حواجز لـ 300 كيلومتر ستكلفنا مليارات الجنيهات لحماية الشواطئ والناس”.

أضاف الرئيس السيسي خلال افتتاح مدينة المنصورة الجديدة: “ما لدينا من مياه أقل من 500 متر مكعب للفرد فى السنة.. أنا محتاج أقابل النمو المحتمل فى الطلب على المياه بالنمو اللى هيحصل على السكان فنجيب مياه للنمو السكاني منين؟”.

وقال إن هناك خطة للدولة وهناك خبراء وعلماء، متابعا” أنا لا أضع رجل على رجل وأقول كلمتين في موضوع، بل هذه دولة من خيرة العلماء سواء في الجامعة والوزارات وضعت هذا التصور”.

وأضاف أن هذا التصور ليس وليد اليوم، وما يحدث الآن لم نفعل هذا فقط الآن، بل كان موجود في السابق ولكن الظروف لم تنجح في عمله.

وتابع الرئيس السيسى: “خطة المياه قلنا نحتاج لتحلية مياه فى المدن الساحلية.. ففى شرق بورسعيد هناك 150 ألف متر مكعب مياه في اليوم، والجلالة 150 ألف متر مكعب في اليوم، والمدن الجديدة بها محطات تحلية كلفتنا كتير”.

وتابع “اللقاءات فرصة حتى نتكلم مع نفسنا وأهلنا، فنحن لسنا موجودين لنتحدث فى الدقهلية أو المنصورة فقط بل فى كل الدولة ليعلموا لماذا نفعل ذلك”.

وأضاف الرئيس السيسى أن هذه المشروعات ليس زيادة فلوس معانا ولكنها أمور حتمية لازم نعمل كدة ولو معملناش كدة يبقى قصرنا في الحاضر والمستقبل”.

وتابع الرئيس السيسى: “أنتم في مجلس الوزراء عندما تجتمعون ففي كل اجتماع عليكم أن تتحدثوا في هذه الموضوعات لتشكيل وعى حقيقى”.

وقال إن “النمو السكانى هياكل البلد، وعندما نقول ذلك احنا مش بنخوفكم ونقول الكلام ده لكل المؤسسات في مصر بما فيها المؤسسات الدينية”.

وأضاف “هل يرضى ربنا إن اللى كنا فيه من 100 سنة كنا كدة، وبعد ما الدنيا كلها تقدمت نبقى كدة الآن، هل اللى كان موجود من 80 و100 سنة في المنصورة، هو اللى موجود فى المنصورة الآن، ويقولك ده ميصعبش علينا أن نكون منذ 100 سنة مشهد، والآن مشهد آخر”.

وقال “كان حد كلمني نخف الأعمال بتاعتنا شوية، قلتلهم حجم الشركات العاملة فى الدولة المصرية فى مشروعات محددة، ومش بتكلم على القطاع الخاص، هنلاقى هناك مش أقل من 5 آلاف شركة شغالين يا جماعة، يعنى متوسط مش هقول 5 آلاف لا قول ألف عامل بس فى كل شركة، يعني 5 ملايين إنسان يعنى 5 ملايين أسرة، لو قفلت قولولى الملايين دى كلها تعيش ؟ طيب أديهم تكافل وكرامة ولا أخليهم يشتغلوا ويبنوا البلد؟”.

أضاف “قوتنا في فهمنا ولما بخلي زمايلي يشرحوا ويتكلموا في أمور قد تكون مش محل اهتمام المواطن، في النهاية هو عاوز فلوس في جيبه والحاجات موجودة في السوق بسعر كويس”.

قال الرئيس عبدالفتاح السيسي، إنه في عهد محمد علي كان نصيب الفرد من الأراضى الزراعية يصل إلى فدان، معلقا: “محتاجين نعرف كويس قوي ليه احنا بقينا كده ؟، علشان متتهمش الدولة وتقول هي فين؟، لا كلنا مع بعض دي بلدنا ونخلي بالنا منها.. حالة الغنى اتحولت لحالة عوز”.. وتقول البلد سايبانا ليه؟ النهاردة يوم جميل بس عيب واحنا بنتكلم علي إيماننا الجميلة نذكر بعضنا وبقول الكلام ده لكل مؤسسات الدولة ومنظمات المجتمع المدني والمؤسسات الدينية يا جماعة بصوا كده ده!!.. يرضي ربنا؟ فيه حد ورا مني متدين يقول هي دى الأمة اللى كـ”الشامة”؟”.

أضاف الرئيس السيسي”عاوز أقول إذا ماكانتش مؤسسات الدولة بالكامل معانا، احنا مش في جنب لوحدنا، احنا واحد ومع بعض كلنا ولينا فيها زي بعض”.

تابع الرئيس: “امشوا كده على الدائرى وشوفوا العمارات وحجم المباني أكبر من حجم الطلب الموجود في السوق، وإلا كانت الناس سكنت فيها.. القيمة الزائفة تعبير حقيقى وإحساس بالغنى الزائف.. لو كنت باني على قيراطين لو كنت شغلتهم وحافظت عليهم كان هيجيلك عوائد حقيقية أفضل من إنك تعيش على وهم.. فيه ناس بتبنى علشان خاطر أبناءها.. واللى بنعمله فى المدن مش شكل بس.. لا.. دى مجموعة أهداف بتتحقق”.