الرئيس السيسي: نسعى لتحقيق اكتفاء ذاتي بمختلف السلع

أكد الرئيس عبدالفتاح السيسي على أن الدولة تسعى لتحقيق اكتفاء ذاتي بمختلف السلع، مضيفا أن الدولة نجحت الاكتفاء من عدد من السلع الأساسية مثل الأرز والسكر والخضروات والفاكهة والألبان والدواجن.

وأجرى الرئيس عبد الفتاح السيسى حوارا مع عدد من الإعلاميين بعد افتتاح مشروعات الإنتاج الحيوانى الألبان والمجازر الألية بمدينة السادات.

وتمنى أن تنجح الدولة في تحقيق الاكتفاء الذاتي من القمح خلال العامين المقبلين، مشيرا إلى وضع مليون فدان إضافة على الرقعة المنزرعة الآن ما يعطينا ما يقرب من 3 ملايين طن للمساعدة على مواجهة الظروف.

وأوضح أن تحقيق الاكتفاء الذاتى على الإطلاق أمر صعب، كون سلاسل التوريد وإحجام البعض فتح أسواقهم نظراً للظروف الراهنة وعدم وضوح الرؤية فيها، مشدداً على عدم وجود أية مشكلة فى توافر السلع.

وتمتلك مصر اكتفاء ذاتى من زيت الطعام لـ5.7 شهر، ويصل سعر اللتر الحر 36 جنيها وفى التموين 21 جنيها.

الرئيس السيسي: حريصون على عدم توقف مستلزمات الإنتاج

وأكد على حرص الدولة المصرية على عدم توقف مستلزمات الإنتاج، موضحا أنه كلام غير سياسي لعدم قدرة الدولة على تحمل توقف المصانع وتسريح العمالة فى الشارع.

وطالب الرئيس تدخل رئيس الوزراء، للحديث عن مستلزمات الإنتاج، والذى بدوره قال: “مستلزمات الإنتاج 54 مليار فى السنة”، وتابع الرئيس بعد نهاية حديث مدبولى، قائلا: “إحنا حريصين نستمر بيهم، ومش حريصين كلام، ولكن إجراءات والدنيا ماشية، ولكن الأزمة الموجودة فى العالم كله وسلاسل التوريد مأثرة على حاجات كتير، حتى المصانع التى تعاقدنا عليها منذ 3 أو 4 سنوات بعضها متأثر إن الحاجات مش بتوصل لحد دلوقتى، ولكن كدولة وفتح والاعتمادات لمستلزمات الإنتاج والسلع الأساسية مفيش فيها كلام”.

ثورة يونيو شهدت تحرك 30 مليون مصري مرتين

وحول ثورة 30 يونيو، قال الرئيس عبدالفتاح السيسي: “إحنا ما عشناش وما زايدناش على إنها ثورة لم تحدث في التاريخ ولم يتحرك شعب في العالم كله بهذه الأحجام لتغيير واقع في مصر ولا في المنطقة ولا في العالم، وأنا كنت مسئول في الوقت ده وبرصد وطلعت طيارات تصور في كل ميادين مصر”.

وتابع: “الموضوع كاشف للفكرة، إزاى يتحرك 30 مليون بني آدم وبالمناسبة اتحركوا مرتين، والتاني ده كان تحدي من جانبي للناس، بأتحدى بالناس في مصر وفهمهم للعالم كله علشان يشوف اللي مش عايز يشوفه، ويجي يقولك تغيير بالقوة.. لا لا ده ناس.. ده ملايين المصريين خرجوا، لذا اللي حدث في 30 يونيو ده غير مسبوق وأمر لازم الناس كلها تتوقف أمامه، أصحاب الأفكار وأصحاب العقائد.. ليه الناس خرجت كده.. هي قلوب الناس دي مش بيد الله ولا إيه.. مش بيقولوا القلوب بين إصبعين من أصابع الله، طيب إزاى ربنا يحرك الـ30 مليون دول”.

الرئيس السيسي يجب أن يكون هناك حوار وطني ونسمع بعض

وعن أهمية الحوار الوطنى داخل الدولة فى الفترة المقبلة، قال: “نبقى مستعدين كلنا إن إحنا نسمع بعضنا، ويبقى فيه أرضية مشتركة تجمعنا، نتكلم بقى مرة مع بعض، وتنقد وتقول اللى أنت عايزه، وأنا أرد عليك، وحتى لو كان ردي موضوعي ومقنع ومش قابله، أنا قابل إنك أنت ماتبقبلهوش لأن إحنا لا يمكن أبدا هنجتمع على رأى واحد.. ده مش طبيعى، نجتمع على حاجة واحدة إن البلد دى نحافظ عليها”.