الرئيس السيسي: مشروع مستقبل مصر كان يحتاج بنية أساسية قوية وشبكة كهرباء

قال الرئيس عبد الفتاح السيسي، إن الهدف من الحديث خلال افتتاح المشروعات واستعرض ما يتم فيها هو الإطلاع على حقيقة ما يحدث، متابعا: “نسعى إلى أن يكون هناك فهم كل فيما يخصه، الحكاية في المشروعات دي إيه.. هقول مثال هو البنية الأساسية للموضوع، تفتكروا مشروع مستقبل مصر زى ده، ياخد كهرباء قد إيه؟؟، 1250 ميجا، هو الرقم بيتقال”.

وأضاف الرئيس السيسي، خلال كلمته في افتتاح مشروع مستقبل مصر للإنتاج الزراعي: “لو كانت أولويات الدولة مش داخله فيها الكهرباء والبنية الأساسية، أنا متابع الكلام اللى بيتقال كوي، ومهم أوي الرد النظري، يهمنى أرد عليه في الواقع، والكلام لينا كلنا، بنتكلم على 1250 ميجا هنا فى الزراعة، ومش عندنا كهرباء تكفي البيوت، حد ياخد قرار يجهز بلد، البقاء من غير ما ياخد القرار الأجرأ”.

كما تحدث الرئيس عبد الفتاح السيسي، عن الجماعات التي تردد الأكاذيب والشائعات حول الدولة المصرية والمسئولين، قائلا: “فيه جماعات تردد الكذب بكلام لا يليق، كلام كله كذب وبهتان، ولكن ربنا موجود ومطلع وشايف، الكلام ده اللى بيتقال في حق المسئولين صدقة جارية لكل مسئول يساء له.

وتحدث الرئيس عبد الفتاح السيسي، عن ضرورة الإطلاع والبحث والدراسة حول الموضوعات والمشروعات التي تنفذها الدولة المصرية، قائلا: “اوعى تحط رجل على رجل وتتكلم وانت متعرفش الموضوع، الناس بتسمعك والكلام بيكون مرتب كويس، وبتفتكر أنه كلامك ده حقيقي”.

وأضاف الرئيس: “بنعمل مشروع يوفر 2.5 مليون فدان، يعنى بنتكلم عن 25 من مساحة مصر الزراعية بالكامل على مدى آلاف السنين”.