السيسي: معدلات النمو لا تتناسب مع الزيادة السكانية.. وبنعاني من ارتفاع الأسعار

قال الرئيس السيسي، خلال إطلاق المشروع القومي لتنمية الأسرة المصرية أن الدولة تعاني من ارتفاع الأسعار نتيجة لارتباط الأسواق وتأثرها بمختلف العوامل المحيطة، وضعف معدلات النمو مقارنة بالزيادة السكانية.

وذكر الرئيس خلال المؤتمر أن الدولة تسعي جاهدة للتنمية والتطوير على مختلف الجهات للوصول الى معدلات نمو تناسب الزيادة السكانية، وأشار الرئيس قائلا: ” الحاجة غالية وبتغلي، وعارفين كده إحنا مش عايشين جوه بلدنا بس وإن حصل غلاء بيغلي علينا، العملية مركبة لكن  معدلات النمو مش مكافئة ومعدل النمو الاقتصادي لا يساوى معدل النمو السكاني عندنا عجز متراكم على مدار 50 سنة”.

وتطرق الرئيس عبد الفتاح السيسي، خلال كلمته للحديث عن تحديات التي تواجها الأسرة المصرية، قائلا: “فيه أم عندها طفل ولا طفلين، تقدر تقعد كل يوم ساعتين للرعاية، احنا اختزلنا العلاقة، بخليها تشتغل تساعدنى علشان يأكل، الوظيفة المرتبات فى مصر مرتبات دنيا، هو حد يقول الكلام ده في الموقع اللى أنا فيه، ايوه مرتبات دنيا ومنخفضة، هو أنا السبب،عاوز أدى المواطن 30 ألف جنيه”.

وأكد الرئيس السيسي، خلال كلمته أن لولا فضل الله على مصر لكانت البلد ذهبت مع الدول التى تهدمت، مضيفا: “بدل ما تجيب فيلم الإرهاب والكباب وتجيب المواطن بيشتكى خلى البلد خصم، مخلاش السلبية خصم، انت المفروض تخلى السلبية خصم.

وأضاف الرئيس خلال كلمته في تدشين مشروع تنمية الاسرة المصرية: “المواطن اللى مبيشتغلش هو اللى خصم، لما حولت البلد لخصم هدوها، ولولا فضل االله علينا وكرمه لكانت البلد دى زى باقى البلاد اللى انتوا شايفنها ما قامتش تاني ولا رجعت تاني خلاص، واللى يروح.. يروح ميرجعش، لكن هو افاض علينا، طيب بعد أن افاض علينا هنفضل زى ما احنا كده، اقابل ناس في الشارع تقولى انا زعلانة منك، اقولها ليه تقولى عندي 6 عيال اقولها اعمل ايه؟ بس هما ساعات ميجبوش الحاجات دي في التليفزيون، علشان ميزعلوش يعني، اقولها انتي عندك 6 اقولها انا عندي 100 مليون.

وتحدث الرئيس عبد الفتاح السيسي، عن الوظائف الجديدة التي تسعى الدولة إلى العمل عليها، قائلآ: “انا عاوز اقولكم على حاجة.. احنا بنتكلم من كام شهر.. علشان عايزين مستوى متقدم اوى في النظم.. علشان بس بقولكم بيتخرج من عندنا 700 ألف طالب جامعي.. انا كلامى كاشف ولا مألوم.. هقولكم حاجة.. قولت الكلام ده من 3 سنين.. من أيام الدكتور ياسر وزير الاتصالات السابق وبنكلمه حاليا.. بنبى فرصة عمل مبنية على النظم.. بقول للمصريين.. المهتمين بالمواطنين ولادكم ومستقبلهم.. الكلام ده والله أن كل الكلام الإصرار والقتال والعمل من أجلك يا مصر.. قسما بالله.. قسما بالله”.