الرئيس السيسي: البناء على الأراضي الزراعية يكلفنا مليارات الجنيهات

قال الرئيس السيسى خلال كلمته في افتتاح مشروعات تنموية جديدة: “أقولكم على حاجة.. الأراضي الزراعية معمولة من 200 و300 سنة حتى لو ألف سنة .. النهاردة الفدان اللى موجود ده.. لا أدفع فلوس في استصلاحه لا بنية أساسية ولا حاجة.. يا جماعة احنا بنتحرك لنضيف للأراضى الزراعية تعوض اللى قال عليه الدكتور معيط لتوفير السلع الأساسية مثل القمح ومطالب الغذاء للمصريين ما امكن”.

وتابع الرئيس السيسى: “الفدان يتكلف من 250 إلى 300 ألف استصلاح في أراضى مش بالجودة دى.. دى بنقول عليها الأراضي السوداء والتانية أراضى صحراوية.. علشان تطلع منها تحتاج إلى صرف جامد في أسمدة وخلافة.. من 250 -300 ألف فدان لتجهيز الفدان واللى بهدره هنا.. الأرض هتروح منك وتروح تعمل أراضي في حتت تانية وتحتاج إلى كهرباء ومياه وشقق تانى.. الفدان يحتاج 250 إلى 300 ألف جنيه.. يعنى المليون فدان بكام.. بـ 300 مليار جنيه”.

وقال الرئيس عبدالفتاح السيسي، إنّ الأهالي عليهم أن يتفهّموا أنّ تكلفة الحصول على أراضي البناء قد يكون أكبر من الزراعية، لكنه يوفر على الدولة مليارات تُصرف لاستصلاح أراضٍ جديدة للزراعة، متابعا: «لما ييجي يبني يقول مش هيدفع رقم كبير ويبني على أرضه، واللي جنبه زيه، وبالتالي تنتهي الأرض الزراعية ونضيع على نفسنا وبلدنا فرص كتير».

وأضاف الرئيس السيسي، خلال كلمته في افتتاح عدد من المشروعات التنموية في صعيد مصر، أنّ المؤتمرات التي تطلقها الدولة، تهدف لتشكيل أرضية فهم مشترك بين المواطنين والقيادة السياسية، متابعا: «إحنا ممكن نفتتح المشروعات والكلمتين يتقالوا وخلاص ونبقى سعداء كلنا».

وتابع الرئيس السيسي: «أختي اللي قابلتني وقالتلي أنا عندي 6 أولاد مش عارفة أعيشهم، أنا رديت عليها وقولتها وأنا عندي 100 مليون عايز أعيشهم، أعمل إيه؟، كان ردي كده».

ويعمل برنامج التنمية المحلية لصعيد مصر في العديد من القطاعات لتحقيق التنمية المتكاملة، وفي مشروعات المياه والصرف الصحي، ووجّهت الدولة 6 مليارات جنيه لبعض المناطق الصناعية، وتمويل التكتلات الإنتاجية، سواء في التصنيع الزراعي أو الحرف اليدوية.