الرئيس السيسي: 4375 شركة اشتغلوا في مشروعات الدولة حصلوا على 1100 مليار جنيه

أكد الرئيس عبد الفتاح السيسي إن من يعمل في مصر هي شركات مصرية قطاع خاص، استفادت بشكل كبير من مشروعات التنمية التي قامت الدولة بتنفيذها خلال السنوات السبع الماضية.

وقال الرئيس السيسي خلال افتتاح حزمة مشروعات في الصعيد: « بتكلم على حجم المشاركة للقطاع الخاص كشركات بتكلم على مشروعات بنية أساسية كنا بنراجع الأرقام في الفترة اللى توليت فيها المسئولة.. بقول الأرقام دى لكل الناس هناك 4375 شركة اشتغلوا معانا .. منهم 150 شركة اشتغلت حد أدنى مليار جنيه حد أقصى 75 مليار جنيه .. يعني بنتكلم أن الشركات دى استفادت وحصلت على 1100 مليار جنيه خلال الفترة الماضية»

تابع السيسي: « بكلم الناس اللى بتقول يا ترى فيه فرصة للطقاع الخاص والا لأ .. اه الفرص قائمة طوال الوقت .. والله باتمنى القطاع الخاص يساهم في كل شيء ، حتى المشروع اللى فتحناه النهاردة مستعدين ان القطاع الخاص يشارك بالنسبة اللى هو عاوزها في كل المشروعات اللى عملناها»

أضاف “شركات القطاع الخاص دى خدت 1100 مليار جنيه ، فيهم 5 ملايين عامل بيعولوا اسرة.. يعنى حوالى 3 او 4 مليون اسرة يعنى 15 ل 20 مليون انسان.. بقالنا 7 سنوات الشركات دى شغالة”

وافتتح الرئيس عبد الفتاح السيسي، بتقنية الفيديوكونفرانس، عددًا من المشروعات في القطاع الصحي بعدد من محافظات الصعيد.

وشملت المشروعات، في محافظة الأقصر مستشفى إيزيس التخصصي للنساء والتوليد (410.3 مليون جنيه) ومستشفى الأطفال التخصصي بالعدسيات (750.4 مليون جنيه)، وفي محافظة المنيا مستشفى سمالوط النموذجي (921.3 مليون جنيه)، ومستشفى دير مواس (908 ملايين جنيه)، ومستشفى ملوي (مليار جنيه)، ومستشفى الكبد (350 مليون جنيه).

وفي محافظة أسيوط، افتتاح توسعات مستشفى وكلية طب الأسنان (140 مليون جنيه)، ومستشفى الصحة النفسية في محافظة سوهاج (198.6 مليون جنيه).

ويفتتح الرئيس عبد الفتاح السيسي، صباح اليوم، مجمع إنتاج البنزين بشركة أسيوط لتكرير البترول بمحافظة أسيوط بالإضافة إلى عدد من المشروعات التنموية الأخرى في نطاق إقليم الصعيد.

وصرح السفير بسام راضي المتحدث الرسمي باسم رئاسة الجمهورية، بأن مجمع أسيوط لإنتاج البنزين يعتبر أحد مشروعات الدولة الاستراتيجية في إطار خطط التنمية صعيد مصر، حيث يعد أكبر مجمع بترولى فى الوجه القبلى يهدف لتأمين إمدادات البنزين لأهالي محافظات الصعيد وتوفير تكلفة نقله من معامل التكرير القائمة بالقاهرة والإسكندرية والسويس لمناطق الصعيد المختلفة.