يوتيوبر شهير يدعو لتأسيس نقابة للعاملين والتأمين عليهم في مقابل الضريبة الجديدة

كشف مصطفي اوكراني يوتيوبر شهير أن قانون الضرائب الأخير فئة كبيرة سوف تعفي منه وذلك بسبب أن يوتيوب يأخذ أكثر من ٧٠٪؜ من قيمة الإعلانات كنسبة من اليوتيوبرز صناع المحتوي وأن كل ما يتقاضوه من يوتيوب هو ٣٠٪؜ من صافي الربح

وقال اوكراني: أنا معنديش أي مشكلة أن الضرائب تطبق بس في نفس الوقت الدولة تعترف بينا وتعترف بوظيفتها ويكون لينا تأمين صحي ونقابة نقدر مستخرج منها تصاريح تصوير في الشارع

وأضاف في تصريح خاص لأموال الغد: أنا شايف أن فئة كبيرة هتكون معفية من الموضوع ده لان مفيش ناس كتيرة من اليوتيوبرز دخلهم بيتعدي ٥٠٠ الف إلا ناس بسيطة منهم أحمد حسن وزينب وحتي الأرقام اللي اتكتبت انهم بياخدوها مش حقيقية

وأوضح: إحنا من أقل الدول اللي بتتربح مبالغ مالية علي إعلانات اليوتيوب في أي بلد تانية نسبة مشاهدة الإعلان اكتر مننا وفي نفس الوقت أنا بصرف من معايا فلوس كتيرة عشان أقدر أصور ومأجر بيت بجنينة لإني مش بعرف أصور في الشارع لأن مش معايا تصريح ف معظمنا بيضطر يصور في بيوته وده بيعرضنا لانتقادات كتيرة

وأستكمل: معظم الناس فاهمين إننا بنكسب بسهولة وده مش حقيقي أنا قعدت ٤ شهور بصور فيديوهات يوميا ومش بكسب جنيه لحد ما بدأت اجني مبلغ قليل جدا شهريا