حفلة 1200

السيسي: بحيرة المنزلة عانت من غياب رقابة الدولة فى السنوات الماضية

قال الرئيس عبد الفتاح السيسى، أن بحيرة المنزلة عانت من غياب رقابة الدولة فى السنوات الماضية، موضحاً أن الداخلية ليها حملات خلال السنين اللى فاتت كلها على مدى 20 سنة، ضد أوكار وغيره من هذا القبيل، كما أنه ماحدش تصدى لده وسابوها كده وأصبحت عشش وناس خارجة عن القانون.

أضاف السيسى، فى كلمته أمام الرئيس عبد الفتاح السيسى، على هامش افتتاح عدد من المشروعات القومية بشرق بورسعيد، أن هيبة الدولة تأتي ببذل جهد كبير لمواطنيها تحسن من حياتهم، إحنا شلنا متوسط من متر لمتر ونص، علشان كتلة من قاع البحيرة اللى كان فيه مخلفات صعبة تتشال، علشان درجة جودة المياه.

وتابع “علشان تبقى البحيرة المقامة على 250 ألف فدان تنتج 70 ألف أو 80 ألف طن سمك أو أكتر لابد بعد اللى إحنا عملناه يبقى فيه سيطرة كاملة على الإجراءات داخل البحيرة، ونساعد الصيادين ونعلمهم ونحسن من حياتهم.. لكن نقول تانى أحواض فى البحيرة ده كلام مش صح”.

وقال إنه تم البدء فى نقل المياه الناتجة من محطة بحر البقر إلى الأراضى الصالحة للزراعة داخل سيناء بداية من الـ100 ألف فدان ثم الأراضى الأخرى وسط سيناء.

وأضاف أنه سوف يتم وضع 8 مواسير لنقل المياه، يعنى فى حاجة 16 متر لوضع المواسير، ويتم الحفر لأكثر من 35 مترا تحت الأرض على امتداد 100 كيلو، ودى مسافة كبيرة وبتكلفة كبيرة.

وتابع “زراعة 400 ألف فدان فى سيناء ليس بتكلفة مالية بسيطة ونسعى إلى ذلك للتنمية وهنعمل ده كله وكل اللى بنعمله ده شركات مصرية، وكل الشركات المصرية في حاجة إليها، كما أن التكلفة المالية محتاجة المساعدة، ويجب على الشركات المصرية أن تلبى مطالبنا وفق المعايير الفنية المطلوبة.

وأوضح أن محطات الصرف الصحى لتطوير 4500 قرية تحتاج إلى 10 الاف طرمبة، ودي فرصة كبيرة لشركاتنا المصرية أن تضخ الاستثمارات بدلا من الحصول عليها من الخارج، فضلا عن الفين طرمبة للصيانة والإحلال.

اضغط لمتابعة أموال الغد على تطبيق نبض