الرئيس السيسي: الدولة ستتصدى لظاهرة البناء العشوائي بكل قوة

قال الرئيس عبد الفتاح السيسى، أن مخالفات البناء لا يمكن القبول بها، ولا يمكن القبول بالنمو العشوائى، أو التجاوز أو السيطرة على أراضى الدولة، قائلا: “الأمر ده مش هيحصل.. وحجم المخاطر بتاعة المخالف خطيرة على الدولة المصرية.. ونتحرك بكل أجهزة الدولة.. المحافظات والوزارات وأجهزة الأمن”.

ووأضاف الرئيس السيسى خلال كلمته بافتتاح عدد من المشروعات القومية الجديدة والمرحلة الثالثة من حى الأسمرات”: “لن نتردد أبدا عن وقف هذه الظاهرة.. ودولة تتعامل مع الأمور بشكل دولة منضبطة وملتزمة وفق إجراءات محددة”، متابعاً أن الدولة لن تتهاون مرة أخرى مع البناء غير المخطط أو المخالف.

وتابع : “خلونا نتوقف عن البناء غير المخطط ونبدأ ننظم بلدنا.. وكل اللى عاوز شقق يأخد شقق.. والناس اللى عاوزه تأخد وتبيع للناس.. بصراحة هنكون حازمين.. واشتراطات البناء ستكون فى منتهى الحزم والقسوة.. ومش هنقدر نستحمل كده.. واستحملنا العشر السنوات”.

وقال: “عايز اقولكم على حاجة.. عاوزين نوصل الطريق بتاع الوفاء والأمل حتى طريق السويس.. وكل الطرق اللى بنتكلم عليها طبقا لخطة الدولة القومية.. ودى حاجة معمولة فى مصر من 20 و30 سنة فاتوا.. عايزين ألفين وحدة لتنفيذ طريق مساحته 2 كيلو.. وهيبقى صلابة وشدة من الأجهزة من التنمية المحلية.. هدفنا حماية وطن من أننا نعيش كده.. ونسينا الصح والحياة الحقيقة للبشر”.